بعد اتهامها بالسرقة: سمية الخشاب: "اديله الشقة ليه هو أنا هبلة" (فيديو)

الخميس 16 مايو 2019 00:15
كتب: ندا عصام

ردت الفنانة سمية الخشاب بشكل قاسي، على اتهام طليقها المطرب أحمد سعد، بسرقة شقته، وذلك من خلال برنامج "شيخ الحارة"، التي حلت ضيفة عليه مع الإعلامية بسمة وهبة.


وقالت "الخشاب: "اولا هو بيكدب طول الوقت هو معندوش دفتر شيكات وقالي بخاف اكتب شيكات، ومعندوش دفتر شيكات، وهو طلب مني أكون ضامن وأنا دافعة أكتر من النص لانه كان بيتعثر كتير".


وأضافت: "أنا مش ناقصني بيوت وانا عندي فيلا تمنها 6 اضعاف تمن شقته، وانا عندي بيوت معرفش عددها.. وكنت بسد بداله وفاجأة بعد موضوع الطحال بقى يزن، ومدتلهوش الشقة لأني انا اللي كنت بدفع الفلوس، وبعدين أدفع وأديهاله ليه هبلة؟".


وكان قد قال الفنان أحمد سعد: "كنت بروح اشتغل كل يوم في المحافظات وبديها الفلوس تشلها، وقالتلي لازم تجيب بيت ملك، وقولتلها اكتبي الشيكات والشقة باسمك، واهلي فرحوا بالموضوع ان بقى عندي بيت ملك.. ولما طلبت منها البيت تنقلهولي رفضت، وقالتلي اديك حقها، وفي الأخر ادتني شيك بربع المبلغ".