بسبب الضرايب.. تامر عاشور: "اقسم بالله ما عليا ولا مليم واحد"

الاثنين 13 مايو 2019 17:32
كتب: ندا عصام

خرج المطرب تامر عاشور، عن صمته ورد على ما يتم تداوله في قضية التهرب الضريبي الموجهة له.


وكتب "عاشور" عبر حسابه الرسمي بموقع تبادل الصور والفيديوهات الشهير "انستجرام": " لما كل الناس دي تتعب نفسها وتكتب في موضوع أساسا الضرايب نفسها غلطانه فيه ده يبقى اسمه ايه - اقسم بالله ما عليا ولا مليم واحد للضرايب".



وأضاف: "رافعين عليا قضيه ونزلو أخبار وسكت وعارضت، لكن كمان أخبار وصوري تتحط مع المجرمين كل ده ليه علشان معييش ولا مليم للضرايب !! ، طيب مكافحه التهرب الضريبي اللي كنت كل أسبوع اروح يدفعوني فلوس دي خدو مني الفلوس ليه لما هم هيرفعوا قضيه!!!؟". 


واختتم: "عارفين كويس أني معليش ولا مليم للضرايب ولا مليم، وأنا قد اللي بقوله وكمان ليا فلوس عندهم - ليه بنهد في الناس بصحافه رخيصه - ما سكتنا وخلاص متكلمناش وعارضنا في صمت بعد ما انتو شردتو في الصحافه كلها - كل جلسه معارضه من القضيه اللي ماليش علاقه بيها هتنزل اخباار !!!؟ واتعامل كأني مجرم !!!؟ وانا اساسا معليش حاجه".


الكلمات المفتاحية: