شارك الخبر

بنت بـ 100| حكاية أم حسن

بتاريخ: 2016/01/16 - 04:53 م
3 تقييم 0

أنا أم حسن.. بعد ما جوزى اتوفي اضطريت انى اشتغل ماسحة احذية، بنزل الساعه 4 حتى لو تعبانه كنت باجي شغلي.. انا بلاقي نفسي فى شغلي ورايا مسئولية 5 أولاد ماينفعش ان انا اتكسف.

 طبعا احنا ماعندناش حد بيشتغل ماسح احذية بس انا كنت واقفه فى البلكونة بفكر هعمل ايه بالصدفة لمحت واحد بيلمع حزمة صاحب المحل اللى قدمنا فالفكرة جت في دماغي بسرعه طب انا معملش كده ليه.

رجعت كلمت نفسي قلت لا دي شغله رجاله بعدين قلتو ايه يعني ما الست بتعمل كل حاجة، ابني نزلت بيه لما كان بيرضع ولما كبر شوية و بدأ يحبي اضطريت انى اربط وسطي برباط واربطة فى الصندوق علشان و انا بلمع الجزمة لاى حد مايمشيش عند العربيات .

قالولى طلعى عيالك من المدارس وشغليهم وانتي اقعدي وطبعا دي حاجة مستحيلة انا بتعب وبشتغل شغلانه رجاله علشان اطلع ولادي احسن مني!
خاصموني اهلى واخواتى 10 سنين النتيجة الحمد لله ان بنتي دلوقتي خريجة كليه تمريض وليا ابن كلية هندسة واحد اقتصاد وعلوم سياسية وواحد سياحة و فنادق وابني الصغير اللى كنت بربطة بقى فى تانيه ثانوي.

لما جوزى اتوفى و اشتغلت الشغلانه دي رجعت قلت نفسي اخش الجامعه تانى لما دخلت الجامعه حسيت انها دنيا تانيه و فرحت اوى.. بتمنى انى اخد الدبلومة بعد البكالوريوس وبعد كده اخد الماجيستير والدكتوراه.

حلقات متعلقة


الأسم*:
عنوان التعليق*:
البريد الإليكترونى*:
التعليق*: