شارك الخبر

سالي سليم تكتب.. «بنكح تراب يا سيسي»!

بتاريخ:
سالي سليم تكتب.. «بنكح تراب يا سيسي»!
تصوير : خاص - اتفرج سالي سليم

انت بنفسك معترف اننا في ازمة و اننا طالع عينينا ! تقلل الدعم ليه عالبنزين و احنا ممكن ناخده ببلاش من السعودية ؟ يا سيدي ما كنت سيبتلهم تيران و صنافير و هي اهميتها ايه لينا يعني !

 

ما تبعت جيشنا نحارب جنب الخلايجة .. ده احنا جيشنا داخل علي المليون و 300 الف مجند ، ليه تصرف كل الفلوس دي و تسلحه بأحدث اسلحة و انت ممكن تخليه يحارب بنفس الاسلحة و احنا بنحارب للدول التانية و بالفلوس اللي هتجيلنا من دول الخليج نريح الشعب الغلبان ده ؟

 

مااحنا حاربنا في الكويت و مات لنا جنود بس اخدنا فلوس كتير ، ما تعمل زي اللي قبلك و كنا عايشين مستقرين .. دي كانت ايام سكر يا شيخ .. لو عايز دعم حقيقي و سياحة و استثمارات بحق اسمح بوجود قواعد امريكية واسمع الكلام ، ايه اللي هيحصل لنا يعني ؟ ما ال CIA كان ليها مقر في القاهرة طول عمرها لحد ماانت جيت و حرمتنا من المقام العالي ده.

 

 هات لنا بترول ولما يبقي معاك ادفع براحتك ولا ماتدفعش اصلا و ادخل حارب في سوريا واليمن و ليبيا ماهم خربوا اصلا و خلاص .. هو احنا يعني هنصلح الكون ؟ لو عايز تريح دماغك من الحرب في سيناء اتنازل عن جزء صغنن منها ، دي حتي صحرا !! رايح بس تتصالح مع الفاسدين و تسمح لهم يرجعوا مصر بعد ما يدفعوا كلام فاضي و احنا ممكن ناخد مليارات لو سيبنا حتة صحرا 3 كم من سينا

 

 اعمل ايه انا بالسيادة واستقلال القرار ؟؟ هيأكلني و يشربني ؟؟ هعمل ايه انا بالمؤتمر الوطني لعلماء مصر بالخارج ولا زرع مليون و نص فدان قمح ولا قناة السويس الجديدة ولا المدن الصناعية الجديدة ولا القضاء على فيروس C ولا منظومة الطرق و الكباري ولا البدء في تنفيذ خطط تعمير سيناء ولا تطوير العشوائيات ولا استعادة الاراضي المنهوبه للدولة وطرحها بمزادات علنيهة ولا محطات الكهرباء بالمفاعلات النووية ولا مراكز ايواء اطفال الشوارع ولا الإستزراع السمكي ولا توقيع 71 اتفاقية بحث و تنقيب عن الغاز و البترول اللي هما سبحان الله طول عمرهم كانوا عندنا بس تقول ايه يا مؤمن .. انت ليه مصعبها علينا و هي طرية و سهلة ؟؟ يا ريس اتعلم من الاخوان ده احنا كنا علي خطوة من بيع الهرم و ابو الهول للي يدفع اكتر .. ده وفد الاخوان المسلمين أعلن موافقتهم على الإعتراف بالمثلية والشذوذ الجنسى خلال حضورهم للبرلمان الانجليزى .. يا ريس راضي الامريكان زي اللي قبلك و خلينا نعيش ، ده وقتنا نكسب من كل الاطراف و نراضي الكل و ننهي الازمات اللي بتتخلق لنا بس انت اللي محبكها اوي و هتكححنا تراب لانك راجل وطني شريف في زمن ماشي كله غلط.

متعلقة


اتفرج ايضا

الأسم*:
عنوان التعليق*:
البريد الإليكترونى*:
التعليق*: